Sumqayıt İcra şöbəsinin icra məmuru qadın vəkili döyüb. Bu haqda Sumqayıt24 APA-ya istinadən xəbər verir.
Vəkillər Kollegiyasının üzvü Ülkər Hüseynbəylinin yaxınlarının verdiyi məlumata əsasən, Sumqayıt İcra şöbəsinin icra məmuru Pərviz Quliyev Bakı şəhər ərazisində zərərçəkmişi təhqir edərək döyüb.
DİN rəsmisi Elşad Hacıyev bildirib ki, sözügedən məsələ ilə bağlı polisə müraciət daxil olub: "Tərəflər arasında mübahisə şəxsi zəmində baş verib. Müraciətlə bağlı Səbail rayon Polis İdarəsinin 8-ci Polis Bölməsində araşdırma aparılır".
