Sumqayıt Şəhər İcra Hakimiyyətinin keçmiş əməkdaşı Bakı Şəhər İcra Hakimiyyətində (BŞİH) aparat rəhbəri təyin edilib. Bu haqda bu gün, 19 fevral tarixində Xeberle.com-a istinadən xəbər veririk.
Məlumata əsasən, Nərimanov rayon İcra Hakimiyyətinin başçısı vəzifəsini Ayaz İmaməliyev icra edəcək.
İmaməliyev Azərbaycan Respublikası Prezidenti yanında Dövlət İdarəçilik Akademiyasını bitirib. O, Sumqayıt İH-də informasiya təminatı və təhlili sektorunun müdiri, Səbail Rayon İH-də Sənədlərlə və vətəndaşların müraciətləri ilə iş şöbəsinin müdiri olub. 2018-ci ilin sentyabrında BŞİH-in Sənədlərlə və vətəndaşların müraciətləri ilə iş şöbəsinin müdiri vəzifəsinə təyin edilib. 2019-cu ildən isə Mənzil-Kooperativ Təsərrüfatı İdarəsinin rəisi vəzifəsini icra edib.
Ayaz İmaməliyev ziyalı ailəsində doğulub. Atası Ağalar İmaməliyev uzun müddət Sumqayıt şəhər 13 saylı orta məktəbdə müəllim işləyib. Hazırda isə SDU-da çalışır.
Anası Elmira İmaməliyeva isə uzun müddət Sumqayıt şəhər 1 saylı poçt idarəsinin müdiri vəzifəsində çalışıb.
