Sumqayıt şəhər icra hakimiyyətinin nümayəndələri Almaniyaya səfər ediblər. Bu haqda bu gün, 28 iyun tarixində İH-nin saytına istinadən xəbər veririk.
Nümayəndələrimiz Sumqayıt ilə Almaniyanın Lüdviqshafen şəhərinin dostluq əlaqələrinin 45, tərəfdaşlıq münasibətlərinin isə 35 illiyi münasibətilə Lüdviqshafenə səfər ediblər. “Şəhər Günü” bayramı ərəfəsində təşkil edilən tədbirdə təmsilçilərimizin şərəfinə konsert proqramı təşkil edilib.
Gündüz Əliyev və digər nümayəndələr Lüdviqshafendə mövcud olan bir sıra zavod, fabrik və müəssisələrlə tanış olublar.
Lüdviqshafen və Sumqayıt əlaqələrinin inkişafında müstəsna xidmətlərinə görə şəhərin meri Yutta Ştaynruk tərəfindən Sumqayıt şəhər icra hakimiyyətinin başçısı Zakir Fərəcov qızıl medalla təltif olunub.
Bundan əlavə, Yutta Ştaynruka xatirə hədiyyəsi olaraq xalçaçı Fazil Abasquluzadənin ərsəyə gətirdiyi xalça təqdim edilib.
