Sumqayıt Şəhər N.Gəncəvi adına Texniki və təbiət elmləri liseyində 20 Yanvar hadisələrinin 33-cü ildönümü münasibətilə tədbir keçirilib. Bu barədə yanvarın 20-si Sumqayıt24 Abşeron-Xızı Regional Təhsil idarəsinə istinadən xəbər verir.
İlk öncə şəhidlərimizin əziz xatirəsi bir dəqiqəlik sükutla yad edilib. Çıxış edənlər Azərbaycanın azadlığı və ərazi bütövlüyü uğrunda mübarizə tarixinə qəhrəmanlıq səhifəsi kimi daxil olmuş Qanlı Yanvar hadisələri barədə söhbət açıblar. Daha sonra məktəblilərin ifasında ədəbi-bədii kompozisiya nümayiş olunub.
