"Trust Lux" MMC barəsində inzibati xəta protokolu tərtib olunub. Sumqayıt24 bu haqda 23 yanvar tarixində Valyuta.az-a istinadən xəbər verir.
Protokol İnzibati Xətalar Məcəlləsinin 430.4-cü maddəsi ilə irəli sürülüb. Maddəyə görə, avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə həmin vəsaitinin xaricdən geri qaytarılmamasına görə vəzifəli şəxslər inzibati xətanın bilavasitə obyekti olmuş valyuta vəsaiti məbləğinin 10-20%-dək məbləğdə, hüquqi şəxslər isə 20-30%-dək məbləğdə cərimə edilirlər.
İş Sumqayıt Şəhər Məhkəməsinin hakimi Samir İsmayılovun icraatındadır.
