Sumqayıtda "Şahin" hərbi-idman oyununun Abşeron-Xızı regionu üzrə zona birinciliyi keçirilib.
Sumqayit24.az xəbər verir ki, idman tədbiri Təbiət Elmləri Təmayüllü Gimnaziyada baş tutub. Hərbi-idman oyununda I yerə Sumqayıt şəhər Təbiət Elmləri Təmayüllü Gimnaziyanın, II yerə Saray qəsəbə 3 №-li tam orta məktəbin, III yerə isə Xızı rayonu Yeni Yaşma kənd tam orta məktəbinin komandası layiq görülüb.
Qalib komandalar Regional İdarənin diplomları ilə təltif olunub, I yeri tutan komanda isə yarışların final mərhələsinə vəsiqə qazanıb.
