Sumqayıtda məktəbin həyətində təhlükəli vəziyyət yaranıb.
Sumqayit24.az-a bununla bağlı 26 nömrəli tam orta məktəbdə təhsil alan uşaqların valideynləri məlumat veriblər. Onların sözlərinə görə, artıq bir ildir təhsil ocağının həyətində yer qazılıb və önündə “Yüksək gərginlik var. Ehtiyatlı olun!” yazılı xəbərdarlıq nişanı qoyulub.
“Balaca, hələ oxumağı, yazmağı bacarmayan uşaq nə başa düşsün ki, orada nə yazılıb? Niyə problem aradan qaldırılmır? Mütləq gərək bədbəxt hadisə baş versin, kimsə həyatını itirsin?”, - deyə şikayətçilər bildiriblər.
