Sumqayıtda 29 nömrəli məktəblə bağlı şikayət var.
Sumqayit24.az-a daxil olan məlumata görə, sözügedən məktəbdə yüksək səslə musiqilərin səsləndirilməsi yerli sakinləri narahat edib.
Vətəndaşların məlumatına əsasən, hər gün burada belə vəziyyət yaşanır:
“İlərdir ki, bu məktəbdə yüksək səslə musiqilər qoşulur. Himnimizin səsləndirilməsində heç bir problem yoxdur. Lakin digər müğənnilərin musiqilərinə ehtiyac yoxdur. Elə bil məktəb yox, “palatka toy”larının keçirildiyi ərazidir. Məktəbin yaxınlığında yerləşən yaşayış binalarında həm körpəsi olan, həm də xəstəsi olan ailələr var. Bir sözlə, bu məktəb bizim yaşayışımıza ciddi təsir göstərir”.
Sakinlər bildiriblər ki, məsələ ilə bağlı dəfələrlə şikayət edilib.
“Şikayət etməyimizə baxmayaraq, öz bildiklərini edirlər. Bu problemə görə qonşuların çoxu buradan köçüb getdilər”,-deyə vətəndaşlardan biri bildirib.
Sözügedən məsələ ilə bağlı aidiyyəti qurumlara sorğu ünvanlanıb.
Bir sözlə, yerli sakinlər aidiyyəti qurumlardan məsələ ilə bağlı təcili tədbir görülməsini tələb edilər.
View this post on Instagram
