Fövqəladə Hallar Nazirliyi (FHN) maarifləndirici tədbirlər keçirib. Sumqayıt24 bu haqda 18 noyabr tarixində xəbər verir.
FHN-in Dövlət Yanğın Nəzarəti Xidməti mütəxəssislərinin də iştirakı ilə Sumqayıt Regional Mərkəzi tərəfindən 27 nömrəli və Sağlamlıq imkanları məhdud uşaqlar üçün xüsusi internat məktəblərində şagirdlərlə görüşlər təşkil olunub.
Tədbirlərdə fövqəladə halların təsnifatı, ölkəmiz üçün xarakterik fövqəladə hallar, o cümlədən yanğınların başvermə səbəbləri və bu zaman zəruri davranış qaydalarından danışılıb. FHN-in “112” qaynar telefon xəttinin təyinatı izah olunub, ilkin yanğınsöndürmə vasitələrindən istifadə qaydaları əyani şəkildə nümayiş etdirilib.
Sonda iştirakçıların sualları cavablandırılıb.
