Sumqayıtın daha iki məktəblisi olimpiadada uğur qazanıb.
Sumqayit24.az-a daxil olan məlumata görə, "SUPER MATH OLYMPIAD" riyaziyyat-məntiq olimpiadasında 35 nömrəli tam orta məktəbin 4-cü sinif şagirdi Atilla Fateh və 14 saylı məktəbin 3-cü sinif şagirdi Özləm Məhərrəmli də iştirak edib.
Məktəblilər olimpiadada yüksək nəticə göstərərək birinci yerə layiq görülüblər və qızıl medal qazanıblar.
Bundan əlavə, Atilla Fateh 2025-2026-cı tədris ili ərzində keçirilən olimpiadalarda qazandığı qızıl medallara görə ən yaxşı medalçılar haqqında nəşr olunan jurnalda yer alıb.
Xatırladaq ki, sözügedən olimpiadada Polad Həşimov adına 28 nömrəli tam orta məktəbin 2-ci sinif şagirdi Ramal Həsənli qızıl, 3-cü sinif şagirdi Ayan Həsənli isə bürünc medal qazanıb.
24 nömrəli tam orta məktəbin 4-cü sinif şagirdi Aylin Feyzullayeva da üçüncü yeri tutaraq bürünc medala layiq görülüb.
