Daxili işlər naziri general-polkovnik Vilayət Eyvazov Sumqayıtda qəbul keçirib. Bu barədə 25 noyabr tarixində Daxili İşlər Nazirliyinə istinadən xəbər veririk.
Vilayət Eyvazov əvvəlcə ulu öndər Heydər Əliyevin abidəsini ziyarət edib, önünə gül dəstəsi qoyub. Sonra nazir Sumqayıt Şəhər Polis İdarəsində vətəndaşlarla görüşüb. Qəbulda Sumqayıt, Abşeron, Qobustan, Qubadlı, Zəngilan şəhər və rayonlarından, həmçinin həmin bölgələrdə məskunlaşmış qaçqın və məcburi köçkün olan vətəndaşlar iştirak ediblər.
Nazir ümumilikdə 208 nəfəri dinləyib, problemlərinin həlli üçün aidiyyəti baş idarə və idarə rəislərinə tapşırıqlar verib. Müraciətlərin əksəriyyəti yerindəcə həllini tapıb.
General-polkovnik V. Eyvazov adıçəkilən şəhər və rayonların polis orqanlarında vakant olan sıravi və kiçik rəis heyəti vəzifələrində xidmətə qəbulla bağlı sıra baxışı keçirib. Qəbulun şərtlərinə uyğun gələn 262 nəfər seçim turunun növbəti mərhələsinə buraxılıb ki, onların da 47-si Vətən müharibəsi iştirakçısıdır. [modula id="27578"]
