Sumqayıt Olimpiya İdman Kompleksi təmir olunur. Sumqayıt24-ə bu haqda 8 iyul tarixində məlumat verilib.
Kompleksin yeni direktoru, qrosmeyster Zeynəb Məmmədyarova da abadlıq işlərində fəal iştirak edir. O, divarları balacaların könlünə oxşar rənglərə boyamaqda köməklik göstərir.
Köhnəlmiş havalandırma sistemləri, hovuzun filtrləri, tatami, bədii gimnastika və trenajor zalları, futbol meydançalarının örtüyü yenilənir. Soyunub-geyinmə otağları, sınıq masa və oturacaqlar təmir edilir. Bundan əlavə, burada kafe fəaliyyətə başlayıb.
Görülən işlərə baxmayaraq, idman məşğələləri davam etdirilir.
Qeyd edək ki, təmir İdman Kompleksinin öz büdcəsi hesabına görülür. [modula id="18130"]
