Sumqayıt şəhərində icbari tibbi sığorta çərçivəsində özəl tibb müəssisələrinə müraciət edənlərin sayı açıqlanıb. Sumqayıt24 bu haqda bu gün, 18 iyun tarixində Tibb Mərkəzinə istinadən xəbər verir.
Məlumata əsasən, 2021-ci il aprelin 1-dən bu günədək 2526 nəfərə xidmət göstərilib. Onlardan 1045 nəfərə MRT (Maqnit Rezonans Tomoqrafiya), 770 nəfərə angioqrafiya, 33 nəfərə EMQ (Elektromioqrafiya), 10 nəfərə elastrometriya (Qaraciyərin ultrasəs müayinəsi), 9 nəfərə Beratest (Eşitmə müayinəsi) müayinələrindən, 14 nəfərə isə ilkin dializ prosedurundan keçmək üçün göndəriş verilib. Bundan əlavə 90 nəfər Aorta-koronar şuntlama (Açıq ürək əməliyyatı), 62 nəfər stentləşmə, 126 nəfər böyrək, 243 nəfər göz, 9 nəfər beyin, 77 nəfər bel-oma, 21 nəfər diz və 17 nəfər anadangəlmə ürək qüsurundan (uşaqlarda Fallo tetradası) cərrahi əməliyyat olunub.
