Sumqayıtda insanların istirahət üçün üz tutduğu parkın yolu narazılığa səbəb olub.
Sumqayit24.az-a daxil olan məlumata görə, 9-cu mikrorayonda, Lüdviqshafen parkında yolun bir tərəfi çöküb, digər tərəfi isə qabarıb.
Bu isə xüsusilə gecə vaxtları ərazidə gediş-gəlişdə problemlər yaradır. Bundan əlavə, parkın görüntüsünü də korlayır.
Vətəndaşlar aidiyyəti qurumlardan məsələ ilə bağlı təbdir görülməsini tələb edirlər.
