Sumqayıt poliqonunda 3 tona yaxın məhsul utilizasiya edilib. Bu barədə 16 avqust tarixində Azərbaycan Respublikasının Qida Təhlükəsizliyi Agentliyinə istinadən xəbər veririk.
“Təhlükəli Tullantılar” MMC-yə məxsus poliqonda istehlaka yararsız və istifadə müddəti bitmiş, ümumi çəkisi 2690 kq dondurma məhsulları məhv edilib. Ərzaqlar “Camal” LTD şirkətinin müraciəti əsasında utilizasiya edilib.
