Sumqayıtda polis maarifləndirmə işini gücləndirib.
Sumqayit24.az Daxili İşlər Nazirliyinə istinadən xəbər verir ki, maarifləndirmə kiberdələduzluq və bank kartlarından oğurluq hallarının qarşısının alınması məqsədini daşıyır. Əhalinin sıx olduğu məkanlarda, o cümlədən bankomat və ödəmə terminallarının ətrafında bu mövzuda xəbərdarlıqlar asılıb və sakinlərə paylanıb.
Diqqətə çatdırılıb ki, vətəndaşlar sosial şəbəkələrdə, saxta sayt və səhifələrdəki şirnikləndirici vədlərə aldanmamalı, onlayn üsulla satılan məhsul və əmlaka baxış keçirmədən beh verməməlidirlər.
Şübhəli linklərə keçid edilməməli, mobil cihazlara yüklənən tətbiqlərlə əlaqəli təhlükəsizlik tədbirlərinə laqeyd yanaşılmamalıdır. Heç bir halda bank və şəxsi məlumatlar qarşı tərəfə ötürülməməlidir.
