Sumqayıt şəhəri Qara Qarayev adına uşaq musiqi məktəbinin şagirdləri beynəlxalq müsabiqədə yüksək nailiyyətlər qazanıblar. Bu haqda Sumqayıt Regional Mədəniyyət İdarəsi məlumat yayıb.
1 nömrəli uşaq musiqi məktəbinin şagirdləri Praqada keçirilən Beynəlxalq onlayn musabiqədə fortepiano ixtisası üzrə iştirak ediblər. Məktəbin 6-cı sinif şagirdi Aytac Vəlizadə Gran Pri mükafatına layiq görülüb.
Həmçinin, 6-cı sinif şagirdi Nəzrin Rüstəmova, 5-ci sinif şagirdi İnci Vəlizadə, 4-cü sinif şagirdi Aysu Məmmədzadə, 3-cü sinif şagirdi Ayla Pənahova, 1-ci sinif şagirdi Səid Vəlizadə öz yaş kateqoriyalarında 1-ci dərəcəli, 1-ci sinif şagirdi Elmira Bağırova isə 3-cü dərəcəli laureat adını qazanıblar.
Foto Sumqayıt Regional Mədəniyyət İdarəsi
Foto Sumqayıt Regional Mədəniyyət İdarəsi
