“Sumqayıt” qəzetinin 70 illik yubileyi ilə əlaqədar redaksiya əməkdaşları ilə görüş keçirilib. Bu barədə 17 noyabr tarixində Regional Mədəniyyət İdarəsinə istinadən xəbər veririk.
Yığıncaq Sumqayıt şəhərinin Tarixi Muzeyində təşkil olunub. Qəzetin baş redaktoru Sübhan Quliyev çıxış edərək qəzetin tarixindən, fəaliyyət istiqamətlərindən söz açıb.
Sumqayıt Regional Mədəniyyət İdarəsinin rəis müavini İlham Əhmədov vurğulayıb ki, 1952-ci ildən nəşrə başlayan, Sumqayıt şəhərinin yaranma və yaşam tarixində özünəməxsus yeri və rolu olan “Sumqayıt” qəzeti uzun illərdir ki, öz fəaliyyətini uğurla həyata keçirir. Görüş diskussiya şəklində davam etdirilib.
