Sumqayıtda, qazi adından sui-istifadə halları müzakirə olundu. Bu haqda AzTV-yə istinadən xəbər veririk.
Heydər Əliyev mərkəzində təşkil olunmuş görüşdə sumqayıtlı qazilər də iştirak edib. Burada, əsassız olaraq özünü qazi kimi təqdim edən, bununla da kənar qüvvələrin vəziyyətdən sui-istifadə etməyinə şərait yaradan şəxslər haqda söz açılıb. Belə hallar pislənilib.
Müharibə, Əmək və Silahlı Qüvvəllər Veteranları Təşkilatının sədr müavini Cəlil Xəlilovun sözlərinə görə, veteran olmadığı halda, özünə bu adı qoyan şəxslər, əsl veteranların adına və xidmətlərinə xələl gətirir, halbuki, minlərlə qazimiz səliqə-səhmanla xidmət edib.
“Biz istəmirik ki, kimsə onların xidmətlərinə kölgə salsın”, - deyə Xəlilov əlavə edib.
