Sumqayıt Regional Mərkəzinin əməkdaşı sol qol üzrə qızıl, sağ qol üzrə gümüş medal qazanıb.
Sumqayit24.az Fövqəladə Hallar Nazirliyinə (FHN) istinadən xəbər verir ki, 2-3 avqust tarixində Abşeron Olimpiya Kompleksində şəhidlərin əziz xatirəsinə həsr olunmuş qol güləşi üzrə yeniyetmələr, gənclər, böyüklər, usta və veteranlar arasında ölkə kuboku keçirilib. Çempionatda respublikanın müxtəlif şəhər, rayon və idman cəmiyyətlərindən müxtəlif çəki dərəcələri üzrə 500-ə yaxın idmançı əzmkar mübarizə apararaq öz qüvvələrini sınayıblar.
Yarışda iştirak edən Sumqayıt Regional Mərkəzinin əməkdaşı mayor Rəşad Hacıyev 105 kq çəki dərəcəsində sol qol üzrə qızıl, sağ qol üzrə isə gümüş medal qazanıb.
Yarışın qalibləri Gənclər və İdman Nazirliyinin diplom və medalı ilə mükafatlandırılıblar.
Qeyd edək ki, Sumqayıt Regional Mərkəzinin əməkdaşı mayor Rəşad Hacıyev qol güləşi üzrə oktyabr ayında Bakıda keçiriləcək Dünya çempionatına vəsiqə qazanıb.
