Sumqayıtda ali təhsil müəssisələrinin və Elmlər Akademiyasının magistratura pilləsinə keçiriləcək qəbul imtahanında iştirak edəcək bakalavrların sayı açıqlanıb. Sumqayıt24 bu haqda Dövlət İmtahan Mərkəzinin saytına istinadən xəbər verir.
İmtahan fevralın 20-də şəhərimizin 5 binasında təşkil olunacaq. Ölkə üzrə bu imtahanda 17.097 bakalavrın iştirakı nəzərdə tutulub ki, onlardan 1208-i Sumqayıtın payına düşür.
Ərizə vermiş bakalavrlar DİM-in internet saytına daxil olub “Şəxsi kabinet”in istifadəçi adı və parolundan istifadə etməklə “İmtahana buraxılış vərəqəsi”ni çap edə bilər. Burada iştirakçının imtahan verəcəyi şəhər, bina və digər məlumatlar qeyd olunur.
