Sumqayıtda buraxılış imtahanında iştirak edəcək şagirdlər buraxılış vərəqəsini artıq çap edə bilər. Sumqayıt24 bu haqda Dövlət İmtahan Mərkəzinə istinadən xəbər verir.
Şəhərimizdə yerləşən məktəblərin şagirdlərinin imtahanı 2 imtahan gününə bölünüb. Belə ki, ümumi (9 illik) orta təhsil səviyyəsi üzrə buraxılış imtahanının 1-ci hissəsi (məktəblər) 16 aprel, 2-ci hissəsi isə 23 aprel tarixində təşkil olunacaq.
Şagirdlər buraxılış vərəqəsini linkə daxil olaraq çap edə bilərlər.
Qeyd edək ki, buraxılış vərəqəsi ilə bir yerdə, ayrıca vərəqdə “İmtahan iştirakçısının sağlamlığı haqqında bəyannamə” çap edilməli və imtahan günü şagird tərəfindən imzalanmaqla imtahan nəzarətçisinə təqdim olunmalıdır.
