Sumqayıt “Batareyaları təhvil ver, təbiəti qoru” adlı yeni layihənin bir parçası olacaq. Sumqayıt24 bu haqda 5 may tarixində Redhearts.az-a istinadən xəbər verir.
Layihə “Qırmızı Ürəklər” (Red Hearts) Fondu, Ekologiya və Təbii Sərvətlər Nazirliyi və “Bravo marketlər” şəbəkəsi tərəfindən birgə həyata keçirilir. Belə ki, istifadə edilmiş batareyalar üçün “Gənclik Mall”, “28 Mall”, “Dəniz Mall”, “Zefir Mall”, Əhmədli qəsəbəsi, eləcə də 20 yanvar və Koroğlu metro stansiyalarının yanında olan “Bravo” marketlərində xüsusi qutular yerləşdirilib. Gələcəkdə analoji qutuların digər şəhər və rayonlarda da yerləşdirilməsi planlaşdırılır.
Layihənin məqsədi işlənmiş batareyaların ətraf mühitə və insan sağlamlığına mənfi təsirlərini minimuma endirməkdir.
Nəticədə, yığılan batareyalar utilizasiya üçün Sumqayıtda yerləşən "Təhlükəli Tullantılar" MMC-yə təhvil veriləcək.
