Xəzər dənizinin Sumqayıt sahilində təmizlik aksiyası keçirilib.
Sumqayit24.az xəbər verir ki, Ekologiya və Təbii Sərvətlər Nazirliyinin təşkilatçılığı ilə "Təmiz ölkəm" devizi altında Xəzər dənizinin Sumqayıt sahilində növbəti təmizlik aksiyası təşkil olunub.
Aksiyada Dövlət Ekoloji Təhlükəsizlik Xidmətinin əməkdaşları və ekokönüllülər iştirak ediblər.
Dəniz sahillərinin ekoloji cəhətdən sağlam saxlanılması, tullantılarla çirklənmənin qarşısının alınması və vətəndaşların ətraf mühitin mühafizəsində fəal iştirakının təşviqi məqsədilə keçirilən aksiya zamanı sahil zolağından tullantılar toplanaraq aidiyyəti üzrə təhvil verilib.
