Sumqayıt sakininin idarə etdiyi avtomobil qəzaya uğrayıb. Sumqayıt24 bu barədə 30 yanvar tarixində Apa-ya istinadən xəbər verir.
Avtoqəza Beyləqan rayon ərazisində qeydə alınıb. "Mercedes" markalı avtomobilin sürücüsü, Sumqayıt şəhər sakini Vüqar Məmmədov idarəetməni itirərək Yuxarı Qarabağ kanalına aşıb. Nəticədə sərnişinlər - Sura Balayeva və Rəşad Məmmədov hadisə yerində ölüblər.
Sürücü V.Məmmədov ağır vəziyyətdə xəstəxanaya çatdırılıb. O, tibbi müdaxilələrə baxmayaraq, müalicə aldığı xəstəxanada vəfat edib.
Faktla bağlı cinayət işi başlanılıb, araşdırma aparılır.
