Sumqayıtda əhali bayram küknarlarının görünüşündən narazıdır. Sumqayıt24 bu haqda 29 dekabr tarixində xəbər verir.
“Yeni il” bayramı ərəfəsində ənənəyə sadiq Dövlət Dram Teatrı, Heydər parkı və “Göyərçin” abidəsinin önündə süni küknarlar quraşdırılıb. Həmin “ağac”lar illərdir ki, istismar edildiyi üçün köhnəlib, üzərində isə, demək olar ki, bəzək yoxdur.
“Şəhərimizə, bayrama yaraşmır. Küknarlara, bəzəklərə baxanda insan bayramın gəlişini, ab-havasını hiss etməlidir. Bunları görəndə isə bayrama heç həvəs də qalmır”, – deyə sakinlər əlavə ediblər.
