Sumqayıt Sənaye Parkı işğaldan azad edilmiş əraziləri məhsulları ilə abadlaşdırır. Bu barədə 25 noyabr tarixində AzTV-yə istinadən xəbər veririk.
Sənaye parkının rezidenti “Azərtexnolayn” MMC quyu qapaqları, hidrantlar, siyirtmələr, su trapı, yağış suyu barmaqlıqları və polad borular ilə Qarabağ bölgəsini təmin edir.
Bu məhsullar su təchizatı sistemlərinin qurulmasında, Hadrut qəsəbəsində, Zəngilanın Ağalı və Mincivan kəndlərinin tikintisində, eləcə də Şuşada məscidin bərpasında və digər müxtəlif layihələrin icrasında istifadə olunur.
