Sumqayıtda inşa edilən sosial evlərin tikintisinə ümumilikdə 13.451.639 manat ayrılıb. Bu haqda Banker.az-a istinadən xəbər veririk.
Belə ki, "MİDA” MMC 7, 8 və 9 nömrəli 9 mərtəbəli yaşayış və 1 mərtəbəli qeyri-yaşayış binalarının tikintisini Hünər İnşaat Firmasına həvalə edib. Həmin firma ilə 6.806.445 manatlıq müqavilə imzalanıb.
Digər bir firma - “Conco” QSC ilə isə “MİDA” 6.645.194 manatlıq saziş imzalayıb. Bağlanmış müqaviləyə əsasən bu şirkət 4, 5 və 6 nömrəli 9 mərtəbəli yaşayış və 1 mərtəbəli qeyri-yaşayış binalarını tikəcək.
Xatırladaq ki, M. Hüseynzadə adına şəhər stadionunun şimal-şərqində inşa olunan həmin binaların bünövrəsi artıq qoyulub.
