Sumqayıtda "Şuşa ili" adlı ədəbi-bədii kompozisiya nümayiş etdirilib. Bu barədə Sumqayıt24 Sumqayıt Regional Mədəniyyət İdarəsinin Facebook səhifəsinə istinadən məlumat verir.
Tədbir Mərkəzi Uşaq Kitabxanasının əməkdaşları və 18 nömrəli tam orta məktəbin 5-ci sinif şagirdlərinin iştirakı ilə keçirilib. Çıxış edənlər böyük şair Molla Pənah Vaqifin büstünün və muzey-məqbərə kompleksinin öz ilkin görkəminə qaytarılması, Bülbülün ev-muzeyinin və Üzeyir Hacıbəylinin heykəlinin açılışları, habelə buradakı tarixi, dini və memarlıq abidələrinin bərpası işləri haqqında məlumat veriblər.
Sonda tədbir şagirdlərin ifasında Xalq şairi Rəsul Rzanın "Şuşam mənim" şeiri əsasında hazırlanmış ədəbi-bədii kompozisiya ilə davam etmişdir.
