Uzun fasilədən sonra Sumqayıt Dövlət Dram Teatrının səhnəsinə qayıdan Xalq artisti Valeh Kərimov sevincini bölüşüb.
Məşhur aktyor Qaynarinfo.az-a bunları deyib:
"Çox sevincliyəm, səhnəsiz mənə çətin idi. Əsas odur yenidən səhnədəyəm. Teatrın rəhbərliyi mənə dəvət etdi, getdim. Dedilər ki, qayıt teatra, mən də qəbul etdim. Aktyoram, həm tamaşa qururam, həm də aktyor kimi oynayıram. Hazırda tatar dramaturq Tufan Minullinin "Sonuncu qonaq" tamaşasını hazırlayıram. Martın 10-da tamaşanın təqdimatı olacaq. Valeh müəllimi səhnədə görmək istəyənlər Sumqayıt teatrına gəlsin".
Qeyd edək ki, Xalq artisti Valeh Kərimov yaşı ilə əlaqədar bir müddət əvvəl Sumqayıt Dövlət Dram Teatrından uzaqlaşdırılmışdı.
