Sumqayıtda tibb müəssisələrinin rəhbərləri iclasda iştirak ediblər. Sumqayıt24 bu haqda Sumqayıt Tibb Mərkəzinin Facebook səhifəsinə istinadən xəbər verir.
Burada çıxış edən mərkəzin direktoru Səkinə Sadıxova, tibb müəssisələrində bir sıra yeniliklərin olacağını qeyd edib. Çatışmazlıqların operativ şəkildə aradan qaldırılmasının vacibliyini vurğulayıb. Daha sonra, o, Uşaq Xəstəxanasında, eləcə də 1 saylı şəhər Xəstəxanasında müasir laboratoriyaların yaradılması istiqamətində aparılan işlərdən danışıb.
İclasda bölmə rəhbərləri hesabat xarakterli çıxışlar ediblər. İclasın sonunda iştirakçıların sualları cavablandırılıb. Onlara müvafiq tapşırıq və tövsiyələr verilib.
