Sumqayıt Tibb Mərkəzi (STM) insult üzrə beynəlxalq sertifikasiyaya cəlb olunacaq.
Bunu Report.az-ın suallarını cavablandıran TƏBİB-in İcraçı direktoru Vüqar Qurbanov deyib. O bildirib ki, artıq bu istiqamətdə hazırlıq işlərinin görülməsi, tibb müəssisələrinin fəaliyyətinin və təşkilati strukturunun qiymətləndirilməsi, eləcə də beynəlxalq keyfiyyət standartlarına uyğunluğunun yoxlanılması işləri icra olunur.
Sözügedən tibb ocağının insultun müalicəsi və reabilitasiyası istiqamətində yeni tibbi avadanlıqlar ilə təmin olunması prosesi də mərhələli şəkildə həyata keçirilir. Bu sertifikasiya Ümumdünya İnsult Təşkilatının əsas meyarlarına uyğun olaraq müəyyənləşdirilir.
