Sumqayıtda Xocalı soyqırımının 31-ci ildönümü ilə əlaqədar tədbir keçirilib. Sumqayıt24 bu haqda 24 fevral tarixində xəbər verir.
Görüş Sumqayıt Tibb Mərkəzində (STM) təşkil olunub. STM-in direktoru Səkinə Sadıxova çıxışında Xocalı soyqırımından söz açıb. Vurğulayıb ki, Vətən müharibəsində qazanılan qələbə ilə Xocalı faciəsinin qisası alınıb.
Digər çıxış edənlər - Təcili Tibbi Yardım Xəstəxanasının baş həkimi Rauf Sadıxov, Vərəm Xəstəxanasının baş həkimi Asif Quliyev, Ümumi şöbənin müdiri Aynur Həsənova və Xəstə xidmətləri şöbəsinin müdir müavini Nərgiz Cəmilzadə Azərbaycan tərəfindən Xocalı soyqırımı həqiqətlərinin beynəlxalq ictimaiyyətə çatdırılması ilə bağlı zəruri tədbirlərin görüldüyünü bildiriblər.
Sonda həmin dəhşətli günü özündə əks etdirən videoçarx izlənilib.
