Sumqayıt Tibb Mərkəzinin (STM) laboratoriyası tamamilə yenilənib. Sumqayıt24 bu haqda Tibbi Ərazi Bölmələrini İdarəetmə Birliyinə (TƏBİB) istinadən xəbər verir.
İşlər “Tibb müəssisələrinin laboratoriyalarının standartlaşdırılması” layihəsi çərçivəsində aparılıb. Həmin laboratoriyada Biokimya, Hematologiya, Mikrobiologiya və İmmunologiya bölmələri fəaliyyətə başlayıb.
Həmçinin avtomatlaşdırılmış sistemlər tətbiq olunub. Analiz nəticələrinin hazırolma müddəti dəfələrlə qısalıb. Analizatorların “E-Təbib” proqram təminatına, kodlaşdırılmış test nəticələrinin sistemə avtomatik köçürülməsi təmin edilib.
Qeyd edək ki, laboratoriyaların həkim və laborantlarına, qanalma tibb bacılarına müasir nəzəri və praktik təlimlər də keçirilir.
