Sumqayıt Perinatal Mərkəzin rəhbəri Təranə Rəcəbli tibb müəssisələrinin rəhbərləri ilə keçirilən görüşdə iştirak edib. Sumqayıt24 bu barədə 27 yanvar tarixində Tibb Mərkəzinə istinadən xəbər verir.
Respublika Perinatal Mərkəzdə keçirilən görüşdə TƏBİB-in tabeliyindəki 90 tibb müəssisəsinin rəhbəri ilə yanaşı, doğuşayardım üzrə mütəxəssislər iştirak ediblər. Toplantıda ötən ildə baş verən ana ölümlərinin təhlili aparılıb, 2023-cü il üçün görüləcək tədbirlər barədə ətraflı məlumat verilib.
Eyni zamanda TƏBİB-in aidiyyəti struktur bölmələrinin əməkdaşları tərəfindən antenatal və doğuşayardım xidmətinin təkmilləşdirilməsi məqsədilə icra edilən işlər və layihələr barədə hesabatlar təqdim edilib.
Tədbirdə mövzu ilə bağlı müntəzəm olaraq monitorinqlərin keçirilməsi barədə müəssisə rəhbərlərinə tapşırıq verilib.
