Sumqayıt şəhəri üzrə müəllimlərin yerdəyişməsi digər bölgələrdən fərqli olaraq, müəllimlərin işə qəbulu müsabiqəsilə (MİQ) həyata keçiriləcək. Sumqayıt24 bu haqda Report-a istinadən xəbər verir.
Bunu Təhsil Nazirliyinin İnsan resursları şöbəsinin müdiri Eşqi Bağırov bildirib. Onun sözlərinə görə, bu il müəllimlərin yerdəyişməsi prosesi iyun ayından başlanılacaq. İlk olaraq daimi əsaslarla işləyənlərə və şəhid ailə üzvlərinə vakansiya mərhələsində öncəlik veriləcək. Daha sonra digər namizədlər də iştirak edə biləcək.
Qeyd olunub ki, yerdəyişmə zamanı, 3 il fasiləsiz işləyən müəllimlərin nəticələri 1.05, 5 ildən çox işləyən müəllimlərin balı isə 1,1 əmsalına görə hesablanacaq.
Sözügedən proses Sumqayıtdan əlavə, paytaxt və Abşeron rayonu üzrə də MİQ vasitəsilə həyata keçiriləcək.
