Sumqayıt şəhəri və Saray qəsəbəsində dünən axşam saatlarında yanğın hadisələri baş verib.
Sumqayit24.az xəbər verir ki, bu barədə Fövqəladə Hallar Nazirliyi (FHN) məlumat yayıb.
Belə ki, Sumqayıt şəhərində beşmərtəbəli yaşayış binasının 3-cü mərtəbəsinin pilləkən qəfəsində divara quraşdırılan elektrik lövhəsində 2 ədəd su sayğacı yanıb. Mənzillər yanğından mühafizə olunub. Yanğın yanğından mühafizə bölmələri tərəfindən söndürülüb.
Saray qəsəbəsində isə ümumi sahəsi 90 kv.m olan birmərtəbəli 4 otaqlı evin yataq otağında çarpayı və yataq dəsti yanıb. Ev yanğından mühafizə olunub. Yanğın FHN-in əməkdaşları tərəfindən söndürülüb.
