Yol hərəkəti qaydalarını kobud şəkildə pozan sürücülər kameraya düşüblər. Sumqayıt24 bu barədə 19 avqust tarixində Avtosfer.az-a istinadən xəbər verir.
Öncə Sülh küçəsi ilə hərəkət edən "Mercedes" markalı avtomobilin sürücüsündən bəhs edək. O, əvvəlcə yalnız sola əmr edən zolağın tələbini pozur. Daha sonra isə sağ və sol zolaqları tez-tez dəyişir, işıqforun qırmızı işığında da hərəkəti davam etdirir. Bununla da digər hərəkət iştirakçılarına təhlükə yaradır.
Digər şəxs - "BMW" markalı avtomobilin sürücüsü, Səməd Vurğun küçəsində manevr qaydalarını pozaraq digər hərəkət iştirakçılarına ciddi maneə yaradır.
