Sumqayıtda yerləşən müəssisə yeniliyə imza atıb.
Sumqayit24.az xəbər verir ki, Azərbaycan Respublikası Dövlət Neft Şirkətinin (ARDNŞ) vitse-prezidentinin müavini Teymur Quliyev Milli Məclisin Təbii Ehtiyatlar, Energetika və Ekologiya Komitəsində keçirilən ictimai dinləmədə Karbamid zavodunda süni intellektdən istifadə olunmaqla, enerji səmərəliyi proqramlarına start verildiyini bildirib.
Teymur Quliyevin sözlərinə görə, pilot layihə kimi həyata keçirilən proqram çərçivəsində tətbiq olunan texnologiyaların inkişaf etdirildikdən sonra digər zavodlarda da istifadəsi diqqətdə saxlanılacaq.
Xatırladaq ki Karbamid zavodu Sumqayıt Kimya Sənaye Parkının ərazisində yerləşir. 2019-cu ildə istifadəyə verilən müəssisə il ərzində 435 milyon kubmetr təbii qazdan xammal kimi istifadə edilməklə 650-660 min ton karbamid istehsal etmək gücündədir. İstehsal həcminin 70% ixrac üçün nəzərdə tutulub.
