Sumqayıta getmək istəyən qadın sərnişinə hörmətsizlik edən taksi sürücüsü saxlanılıb. Sumqayıt24 bu haqda bu gün, 22 fevral tarixində Daxili İşlər Nazirliyinin İctimaiyyətlə əlaqələr şöbəsinin rəisi Elşad Hacıyevə istinadən xəbər verir.
Hadisə paytaxtın “20 yanvar” dairəsində baş verib. Qadın avtomobilə minəndə, sürücü başqa sərnişin götürmədən yola düşüb. O, xanıma şəhəri gəzdirəcəyini, sonra isə onu evə aparacağını bildirib. Xanım, sürücüdən maşını saxlamasını tələb edib. Sürücünün maşını saxlamadığını gördükdə o, qapını açıb. Sürücü xanımın qolundan tutub sıxıb, sonra isə nalayiq hərəkətə yol verib.
“Mercedes” markalı 90-SS-720 dövlət nişanlı maşının sürücüsü Röyal Həsənov saxlanılıb. O, əməlini etiraf edib.
Hazırda araşdırma aparılır.
