Xəbər verdiyimiz kimi, “Sumqayıtçay” stansiyası yaşayış massivinin sakinləri ağır infrastruktur və sosial problemlərlə üz-üzədir.
Yolların olmaması, kanalizasiya sisteminin qurulmaması, ictimai nəqliyyatın fəaliyyət göstərməməsi və vətəndaşların qeydiyyat məsələlərinin həll olunmaması bu ərazidə həyat şəraitini dözülməz hala gətirib.
Sumqayıt Şəhər İcra Hakimiyyəti məsələ ilə bağlı Sumqayit24.az-a açıqlama verib. Qurumdan bildirilib ki, sözügedən yaşayış massivindəki mövcud problemlər Sumqayıt ŞİH-nin diqqətindədir:
“Şəhərin bütün yaşayış sahələrində olduğu kimi, bu ərazidə də mərhələli şəkildə problemlərin aradan qaldırılması üçün tədbirlər planı mövcuddur. Yol infrastrukturunun yenilənməsi, kanalizasiya xətlərinin çəkilməsi, ictimai nəqliyyatın təşkili və digər məsələlərinin həlli istiqamətində aidiyyəti qurumlarla birgə işlər aparılır”.
