Sumqayıtçaya sarı kisələrdə toyuq cəsədlərini atan, bununla da ətraf mühitə zərər vuran şəxs müəyyən edilib. Sumqayıt24 bu haqda bu gün, bu gün 27 aprel tarixində Ekoloqiya və Təbii Sərvətlər Nazirliyinə istinadən xəbər verir.
Dövlət Ekoloji Təhlükəsizlik Xidmətinin rəsmisi Fərid Piriyevin sözlərinə görə, fakt təsdiqini tapandan sonra araşdırma aparılıb. Nəticədə tullantıların yaxınlıqdakı quşçuluq sexinə aid olduğu müəyyən olunub. Faktla bağlı akt, protokol tərtib edilib. Quşçuluq sexinin sahibi Marif Muradov vəzifəli şəxs qismində 3500 manat məbləğində cərimələnib.
Qeyd olunub ki, ərazinin təmizlənməsi üçün məsul qurumlara göstəriş verilib.
