Yenilənib: saat 17:36
16 yaşlı qızın ərə verilməsi ilə bağlı yeni təfərrüat bəlli olub.
Daxili İşlər Nazirliyinin Mətbuat Xidmətindən bildirilib ki, ailə üzvləri iddiaları təkzib edərək dövlət orqanına digər övladlarının sənədini təqdim etməklə yanlış məlumat veriblər.
Araşdırma davam edir.
—————————————————————————————————————————–
Saat 13:35
Daxili İşlər Nazirliyinin (DİN) əməkdaşı, mayor Anar Qafarov məsələ ilə bağlı açıqlama verib:
“Müəyyən edilib ki, məsələ sosial şəbəkələrdə qeyd olunduğu kimi deyil. Yetkinlik yaşına çatmadığı iddia edilən və toyu olan xanımın yanvar ayında 18 yaşı tamam olub”.
—————————————————————————————————————————–
Saat: 11:54
Sumqayıt şəhərində yeniyetmə qız evləndirilib. Sumqayıt24 bu haqda 13 mart tarixində Oxu.az-a istinadən xəbər verir.
Bununla bağlı görüntülər sosial şəbəkələrdə yayılıb. Məlumata əsasən, 16 yaşlı qız oğlana zorla ərə verilib. Onların martın 17-də oğlan toyu olacaq.
