Sumqayıtda kişi yaşayış binasının 4-cü mərtəbəsinin eyvanından yıxılıb. Sumqayıt24 bu barədə 25 noyabr tarixində Fövqəladə Hallar Nazirliyinə (FHN) istinadən xəbər verir.
FHN-in qaynar xəttinə 26-cı məhəllədə yaşayış binasında vətəndaşın köməksiz vəziyyətdə qalması barədə məlumat daxil olub. Hadisə yerinə müvafiq xilasetmə qüvvələri cəlb olunub.
24 yaşlı Nahid Həsənov dördmərtəbəli binanın 4-cü mərtəbəsinin eyvanından yıxılaraq 2-ci mərtəbədəki mənzilin artırma hissəsinin üzərinə düşüb və köməksiz vəziyyətdə qalıb.
Xilasedicilər xilasetmə vasitələrindən və avtonərdivandan istifadə etməklə vətəndaşa müvafiq köməklik göstərərək aşağı düşürüblər və təcili tibbi yardım briqadasına təhvil veriblər. [modula id="27587"]
