S.Vurğun adına Mərkəzi Kitabxanada kitabların təqdimat mərasimi baş tutub. Bu haqda 22 noyabr tarixində Sumqayıt24 xəbər verir.
Tədbir Azərbaycan Yazıçılar Birliyinin Sumqayıt bölməsi və S.Vurğun adına Mərkəzi Kitabxananın birgə təşkilatçılığı ilə keçirilib.
Mərasimdə filologiya elmləri doktoru, professor, ictimai xadim, tarixi romanlar müəllifi Əzizə Cəfərzadənin "Təzkireyi-Əzizə", ustad xanəndə, qəzəlxan Ağakərim Nafiz Şirvaninin "Təzkireyi-Nafiz", filologiya üzrə fəlsəfə doktoru, şair, yazıçı, araşdırmaçı Gülhüseyn Kazımlının "Salam, Məşədi" kitablarının təqdimatı olub.
Qonaqlar şəhidlərin xatirəsini bir dəqiqəlik sükutla yad ediblər. Çıxış edən AYB Sumqayıt bölməsinin sədri Gülnarə Cəmaləddin hər üç müəllif və təqdim olunan kitablar haqqında oxuculara geniş məlumat verib.
Sonda Mərkəzləşdirilmiş Kitabxanalar Sisteminin direktor əvəzi Natəvan Axundzadə qonaqlara və tədbir iştirakçılarına təşəkkürünü bildirib.
