Sumqayıtda 30 ildir fəaliyyət göstərən məktəb bağlanır, müəllimlər narahatdır.
Xezerxeber.az-ın məlumatına görə, söhbət Sumqayıt şəhər evdə fərdi təhsil məktəbindən gedir. Müəllimlər bildiriblər ki, məktəbin sağlamlıq imkanları məhdud 350-dən çox şagirdi, 80 nəfərdən ibarət müəllim heyəti var. Onlar verilən qərarı ədalətsiz hesab edirlər.
Müəllimlər yeni məktəbdə onlara verilən dərs saatları ilə razılaşmırlar:
“İstəyimiz ondan ibarətdir ki, məktəbimiz bağlanmasın. Əgər bağlanacaqsa, bizə bununla bağlı qərar təqdim edilsin.”
Məsələ ilə bağlı Məktəbəqədər və Ümumu Təhsil üzrə Dövlət Agentliyindən bildirildi ki, qərar evdə fərdi təhsil məktəbində təhsil alan şagirdlərin yaxınlıqda yerləşən məktəblərə yönləndirilməsinə xidmət edir. Məqsəd sağlamlıq imkanları məhdud uşaqların cəmiyyəytə inteqrasiyasıdır.
Qurum rəsmisi onu da bildirdi ki, yaxın vaxtlarda məktəbin bağlanması ilə bağlı rəsmi qərar da veriləcək.
