Sumqayıtda bir sıra yaşayış binalarında lift servisi tətbiq olunub. Bu haqda 4 oktyabr tarixində Sumqayıt24 AzTV-yə istinadən məlumat verir.
Adıçəkilən sistemə qoşulan liftlər onlayn izlənilir və yarana biləcək hər hansı nasazlıqla bağlı xidmətin idarə olunma otağına siqnal daxil olur.
Dövlət Mənzil Fondunun balansında olan binaların 594 lifti və əlavə olaraq 15 korporativ binanın qaldırmaları lift servisinin onlayn xidmətindədir. Hər liftin İT ünvanı və nömrəsi var. Qurğuların dinamikası gün ərzində 24 saat izlənilir. Bununla da liftlərin həm qorunması, həm də baş verə biləcək qəza hallarının operativ qaydada aradan götürülməsi həyata keçirilir. Həmçinin xüsusi səyyar radiostansiya ilə də lift kabinlərində olan sakinlərlə operativ əlaqə saxlamaq mümkündür.
Baş verə biləcək qəzaların vaxtında aradan qaldırılması üçün təmir və təxliyə briqadaları çalışır.
Qeyd edə ki, yaxın zamanlarda bu modelin Gəncə, Mingəçevir və Şəmkirdəki çoxmərtəbəli binalarda da tədbiq edilməsi nəzərdə tutulub.
