Sumqayıtda ahıl yaşlı kişi itkin düşüb.
Sumqayit24.az-a daxil olan məlumata görə, 64 yaşlı Kamal Dövlətov 2 sentyabr tarixindən etibarən 18-ci mikrorayon ərazisində itib.
Belə ki, müalicə üçün Sumqayıta gələn Kamal Dövlətov bacısıgildə qalıb. Evdən mağazaya getmək adı ilə çıxan yaşlı kişi sonradan geri qayıtmayıb.
Üzərində göy rəngdə köynək və ayağında ev çəkələyi, şalvarı isə tünd qəhvəyi rəngdə olub.
Qeyd edək ki, itkin düşən şəxs yaddaş probleminə görə müalicə alırdı.
