Sumqayıt tibb müəssisələrində 784 nəfər qrip xəstəliyinə qarşı vaksin olunub. Sumqayıt24 bu barədə 27 yanvar tarixində Tibb Mərkəzinə istinadən xəbər verir.
Bu göstəricilər ötən il dekabrın 15-dən etibarən indiyədək qeydə alınıb.
İnfluenza el arasında qrip olaraq tanınan xəstəlikdir. Xəstəlik özünü qızdırma, burun axması, baş və boğaz ağrıları, yorğunluq, quru öskürək kimi simptomlarla biruzə verir və adətən, simptomatik müalicə olunur. Sakinlər qrip əleyhinə aşağıda göstərilən tibb müəssisələrində ödənişsiz şəkildə vaksinasiya oluna bilərlər:
- 1 nömrəli Ailə Sağlamlıq Mərkəzi. Ünvan: Koroğlu prospekti , 9-cu mikrorayon;
- 2 nömrəli Ailə Sağlamlıq Mərkəzi. Ünvan: Heydər Əliyev prospekti, 22-ci məhəllə;
- 3 nömrəli Ailə Sağlamlıq Mərkəzi. Ünvan: Nəriman Nərimanov küçəsi, 45-ci məhəllə, ev 2;
- 4 nömrəli Ailə Sağlamlıq Mərkəzi. Ünvan: Ağa Quliyev küçəsi, 8-ci mikrorayon, ev12/13;
- 5 nömrəli Ailə Sağlamlıq Mərkəzi. Ünvan: Koroğlu prospekti, 10-cu mikrorayon, ev 70;
- 6 nömrəli Ailə Sağlamlıq Mərkəzi. Ünvan: Zəminə Həsənova küçəsi, 40-cı məhəllə;
- 7 nömrəli Ailə Sağlamlıq Mərkəzi. Ünvan: Hacı Zeynalabdin qəsəbəsi, Fərruxağa Qayıbov küçəsi.
