Sumqayıt şəhərində 8 Mart – Beynəlxalq Qadınlar Günü münasibətilə bayram tədbiri keçirilib.
Sumqayit24.az xəbər verir ki, tədbirdə İcra Hakimiyyətinin başçısı Zakir Fərəcov, millət vəkilləri, hüquq-mühafizə orqanlarının rəhbərləri, idarə və müəssisələrin nümayəndələri, şəhid anaları, qazilər və şəhərin müxtəlif sahələrində çalışan qadınlar iştirak ediblər.
Zakir Fərəcov çıxışında Azərbaycan qadınlarını bayram münasibətilə təbrik edərək onlara cansağlığı, ailə səadəti və uğurlar arzulayıb. O bildirib ki, Azərbaycan qadınları tarix boyu müdrikliyi, fədakarlığı və vətəndaş mövqeyi ilə cəmiyyətin inkişafında mühüm rol oynayıblar. Qadınlar bu gün də ictimai-siyasi, sosial-iqtisadi və mədəni həyatın müxtəlif sahələrində fəal iştirak edirlər.
Sonda şəhərin ictimai həyatında fəal olan bir qrup qadın Sumqayıt şəhər İcra Hakimiyyətinin fəxri fərmanları ilə təltif olunub. Rəsmi hissədən sonra isə konsert proqramı təqdim edilib.
